2022 წლის 27 ოქტომბერს ბერლინის კონცერტჰაუზის დიდ საკონცერტო დარბაზში ქართველი დირიჟორის, მირიან ხუხუნაიშვილის, დებიუტი შედგა. მუსიკოსი კონცერტჰაუზის ორკესტრის ხელმძღვანელმა, ცნობილმა მაესტრომ ქრისტოფ ეშენბახმა მიიწვია.
კონცერტზე ასევე შედგა ქართველი კომპოზიტორის მიკა მდინარაძის Kyrie Eleison-ს მსოფლიო პრემიერა.
ქართველ მუსიკოსებს ოვაციებით შეხვდა გერმანელი მსმენელი, კონცერტის დასასრულს კი მათ გერმანიაში საქართველოს ელჩმა, ლევან იზორიამ, მიულოცა წარმატება.
