კულინარიული დიპლომატიის ფარგლებში, საქართველოს ელჩმა დავით ზალკალიანმა აშშ-ის სახელმწიფო დეპარტამენტის და საერთაშორისო განვითარების სააგენტოს (USAID) წარმომადგენლებს ელჩის რეზიდენციაში არაფორმალურ გარემოში უმასპინძლა.
სტუმრებს საშუალება ჰქონდათ, დაეგემოვნებინათ ქართული სამზარეულოს კერძები და შეესწავლათ ხინკლის დამზადების პროცესი საელჩოს შეფ-მზარეულის, უჩა მამულაშვილის მასტერკლასის საშუალებით.ღონისძიება Khinkali Brunch უკვე რამდენიმე წელია, საქართველოს ელჩის რეზიდენციაში ტრადიციულად იმართება და მიზნად ისახავს ამერიკელი პარტნიორებისთვის ქართული სამზარეულოს გაცნობას.
