საქართველო დამოუკიდებლობის დღეს აღნიშნავს. წელს, რუსეთის იმპერიისგან დამოუკიდებლობის მოპოვებიდან 106 წელი შესრულდა.
1918 წლის 26 მაისს მაშინდელი გოლოვინის გამზირზე, კავკასიის მეფისნაცვლის ყოფილ რეზიდენციაში, საქართველოს ეროვნული საბჭოს სხდომა გაიხსნა 16:50 საათზე, ნოე ჟორდანიას თავმჯდომარეობით. საქართველოს ეროვნულმა საბჭომ 17:10 საათზე ერთხმად დაამტკიცა „საქართველოს დამოუკიდებლობის აქტი.
1921 წელს უკვე საბჭოთა რუსეთის ანექსიის შედეგად საქართველომ დაკარგა დამოუკიდებლობა. 70 წლის შემდეგ, 1991 წლის 9 აპრილს გამოცხადდა დამოუკიდებლობა. თუმცა, ეროვნულ დღესასწაულად სწორედ 26 მაისი ითვლება.
———
