ქალაქ მელბურნში საკონსულო შემოვლა იგეგმება

2023 წლის 7-10 ივნისს იგეგმება საკონსულო ოლქის შემოვლა ქალაქ მელბურნში საქართველოს მოქალაქეთათვის საკონსულო მომსახურების ადგილზე გაწევის მიზნით.

შესაბამისი მომსახურების მისაღებად საჭიროა წინასწარ გაიაროთ რეგისტრაცია შემდეგი ბმულის საშუალებით – www.geoconsul.gov.ge , აირჩიოთ შესაბამისი მომსახურება და შეავსოთ განაცხადი ავსტრალიის თანამეგობრობაში საქართველოს საელჩოს მისამართზე.

რეგისტრაციის გავლის შემდეგ ადგილზე წარმოსადგენი საბუთები:

პირადობის ელექტრონული მოწმობა

• ერთი ფოტოსურათი 3/4;
• საფასურის გადახდის დამადასტურებელი დოკუმენტი (30 აშშ დოლარი).

პასპორტი სრულწლოვნისთვის

• ერთი ფოტო სურათი 3/4;
• საფასურის გადახდის დამადასტურებელი დოკუმენტი (50 აშშ დოლარი).

პასპორტი არასრულწლოვანთათვის

• ერთი ფოტო სურათი 3/4;
• საფასურის გადახდის დამადასტურებელი დოკუმენტი (25 აშშ დოლარი);
• დაბადების მოწმობა. იმ შემთხვევაში, თუ ბავშვი დაბადებულია ავსტრალიაში, დაბადების მოწმობა უნდა იქნას დამოწმებული აპოსტილის წესით.
• 16 წლამდე არასრულწლოვნის შემთხვევაში, სავალდებულოა ორივე მშობლის გამოცხადება, ხოლო 16 წლიდან საკმარისია ერთი მშობლის მოსვლა და მეორეს თანხმობა.
• მშობლების მოქმედი პირადობის დამადასტურებელი დოკუმენტი (პირადობა ან პასპორტი. დოკუმენტის ორიგინალი და ასლი).

საბანკო რეკვიზიტები, სადაც უნდა ჩარიცხოთ თანხა:

ACCOUNT NAME: EMBASSY OF GEORGIA

BSB-062900

ACCOUNT NUMBER: 10735930

SWIFT: CTBAAU2S

BRANCH: LONDON CIRCUIT BRANCH ADDRESS: 181 LONDON CIRCUIT CANBERRA, ACT 2602