ჯორჯიის შტატში ვიზიტის ფარგლებში, საქართველოს ელჩი დავით ზალკალიანი ჯორჯიაში მცხოვრებ თანამემამულეებს შეხვდა.
ელჩმა ისაუბრა დიასპორის აქტიური ჩართულობის მნიშვნელობაზე ქვეყნის საგარეო პოლიტიკის მიზნების მიღწევის პროცესში და აღნიშნა, რომ დიასპორასთან ურთიერთობა საქართველოს სახელმწიფოს მნიშვნელოვანი პრიორიტეტია.
დიასპორის წარმომადგენლებმა ელჩს საკუთარი ინიციატივები წარუდგინეს და განიხილეს ჯორჯიის შტატსა და საქართველოს შორის ხალხთაშორისი თანამშრომლობის გაღრმავების პერსპექტივები.
საქართველოს საელჩო მადლობას უხდის ნინა კიკნაძეს და ჯორჯიის შტატის წარმომადგენელს, მეთიუ რივსს ჯორჯიის კაპიტოლიუმში მასპინძლობისთვის.
