პეკინის Solana Saga Cinema-ში, ჩინეთში საქართველოს საელჩოს ორგანიზებით და Truly Sense (Beijing) Media Consulting Group-ის მხარდაჭერით, ქართულ-ესტონური ერთობლივი პროექტით შექმნილი მხატვრული ფილმის, “მანდარინების” ჩვენება გაიმართა. 
ფილმის დაწყებამდე სტუმრებს სიტყვით მიმართეს საქართველოსა და ესტონეთის ელჩებმა, არჩილ კალანდიამ და ჰანეს ჰანსომ.
საქართველოს ელჩმა ისაუბრა აფხაზეთზე და მის ოკუპაციაზე, პარალელები გაავლო ფილმის სიუჟეტსა და დღეს უკრაინაში მიმდინარე ომს შორის. ასევე, არჩილ კალანდიამ ყურადღება გაამახვილა ქართული კინემატოგრაფიის მდიდარ ისტორიაზე და თანამედროვე მიღწევებზე. 
ესტონეთის ელჩმა ისაუბრა თავის დროზე აფხაზეთში მცხოვრებ ესტონურ დიასპორაზე და, თუ რა პოპულარობით სარგებლობს ესტონეთში მრავალი საერთაშორისო ჯილდოს მომგები “მანდარინები”.
ფილმის ჩვენების შემდეგ ქართული ღვინის დეგუსტაცია გაიმართა.
