2023 წლის 17 ივნისს ჩინეთში საქართველოს საელჩოს ორგანიზებით და Truly Sense (Beijing) Media Consulting Group-ის მხარდაჭერით, პეკინის Solana Cinema-ში, გაიმართა ქართული კინემატოგრაფიის 115 წლისთავთან დაკავშირებით, ზაზა ურუშაძის ფილმის “სამი სახლის” ჩვენება.ფილმის დაწყებამდე სტუმრებს სიტყვით მიმართა საქართველოს საგანგებო და სრულუფლებიანმა ელჩმა არჩილ კალანდიამ. საელჩოს თანამშრომლებმა, ნატალია კვაჭაძემ და თამარ ქვლივიძემ საზოგადოებას წარუდგინეს სპეციალურად ამ დღისთვის მომზადებული პრეზენტაცია ქართული კინემატოგრაფიის ისტორიისა და თანამედროვეობის შესახებ.
