საქართველოდან ებრაელთა ალიის 50 წლისთავისადმი მიძღვნილი ღონისძიება ქალაქ კირიატ ბიალიკში გაიმართა, რომელსაც ქართველ ებრაელთა თემის წარმომადგენელი შოთა წვენიაშვილი უძღვებოდა.
ღონისძიებას ესწრებოდნენ კირიატ ბიალიკთან დამეგობრებული ქალაქ ზესტაფონის მერი, ვასილ გველესიანი და იმერეთის გუბერნატორი, ზვიად შალამბერიძე, საქართველოს დელეგაციის წევრებთან ერთად.საზოგადოებას სიტყვით მიმართეს ქალაქ კირიატ ბიალიკის მერმა, ელი დუკორსკიმ და საქართველოს ელჩმა ისრაელის სახელმწიფოში, ლაშა ჟვანიამ.
