იტალიაში, ქალაქ ბარიში ქართული კულტურის ასოციაცია “ვიქტორია” დაარსდა, რომლის დამფუძნებელი და პრეზიდენტი ვიქტორია ცუხიშვილია.
ასოციაცია წარმოადგენს სასწავლო ცენტრს, სადაც ონლაინ და სტანდარტულ რეჟიმში ისწავლება იტალიური და ინგლისური ენები და ინფორმატიკა.
ასევე დაგეგმილია ქართველი ბავშვებისთვის ქართული ენისა და ლიტერატურის, საქარტველოს ისტორიის, ინგლისური და რუსული ენების სასწავლო პროგრამები.
ქართული კულტურის ასოციაცია “ვიქტორია” იტალიის ქალაქ ბარიში 2022 წლის 8 ივნისს დაფუძნდა. ცენტრი კი ოფიციალურად 9 ოქტომბერს გაიხსნა. გახსნაზე მოწვეული იყვნენ ქალაქ ბარის გენერალური საკონსულოს და ქართული მედიის წარმომადგენლები.
