ბულგარეთში საქართველოს ელჩმა, ოთარ ბერძენიშვილმა, ქალაქ ბლაგოევგრადში არსებული ამერიკული უნივერსიტეტის (AUBG) ქართველ სტუდენტებს საქართველოს დამოუკიდებლობის დღისადმი მიძღვნილ ღონისძიებებში მონაწილეობის მიღებას სთავაზობს.
ეს შეთავაზება ელჩმა ქართველ სტუდენტებთან, რომლებიც ბულგარეთში არსებული ქართული სათვისტომოს მნიშვნელოვან ნაწილს წარმოადგენენ, გაცნობითი ხასიათის შეხვედრაზე გააჟღერა. მან სტუდენტებს ასევე გააცნო საელჩოს სამომავლო გეგმები.
გარდა ამისა, ოთარ ბერძენიშვილი შეხვდა უნივერსიტეტის რექტორს დევიდ ევანსს, რომელთანაც სასწავლებელსა და საელჩოს შორის არსებული ურთიერთობები და სამომავლო თანამშრომლობის პერსპექტივები განიხილა.
