ლოს ანჯელესში სამხრეთ კალიფორნიაში ქართული კულტურისა და საგანმანათლებლო ცენტრის მიერ ორგანიზებული ღონისძიება გაიმართა, რომელსაც 200-მდე ქართული დიასპორის წარმომადგენელი ესწრებოდა.
ქართული სათვისტომოს წარმომადგნელებს სიტყვით მიმართა სან ფრანცისკოში საქართველოს გენერალურმა კონსულმა, ლევან ბერიძემ და ხაზი გაუსვა ცენტრის როლს ქართული კულტურის, ისტორიისა და ენის პოპულარიზაციაში. გენერალურმა კოსნულმა კიდევ ერთხელ გამოთქვა მზადყოფნა, სამომავლოდ ცენტრის მიერ ინიცირებული სხვადასხვა პროექტების მხარდასაჭერად.
ლოს ანჯელესში სამუშაო ვიზიტის ფარგლებში, გენერალურმა საკონსულომ საქართველოს მოქალაქეებისთვის სხვადასხვა საკონსულო მომსახურება გასწია.
ამასთან, გენერალური კონსული ლოს ანჯელესში სახელმწიფო დეპარტამენტის წარმომადგენლებს და კოლეგა გენერალურ კონსულებს შეხვდა. შეხვედრებზე მთავარი განსახილველი თემა ლოს ანჯელესსა და საქართვლოს შორის ეკონომიკური ურთიერთობების გაღრმავება და სტიმულირება იყო.
